A bisserla Bollidick

 

Etzert hatters endli gschafft, der oberste Franz-Josef-Verehrer. Etz iss er selber der oberste CSUler. Der Berliner Kinnermacher werd scho nu geh.

 

Alle Achtung, alle homms gwisst, wos Markus vorhat, kanner hats verhindert.

 

Wart mer halt amol ab, wos der draus macht.

 

Vor a poar Dog hat er sei neis Kabinett vorgstellt. I hätt mer beinoh auf die Schenkel glatscht, voller Freid. Der Herr Bausback is weg. Als er vor a poar Johr Minister worrn ist, do hommer nu ghofft, dass er aufreimt mit dem Saustall in der Bayerischen Justiz. Wohrscheinli hat er si net draut. Wie vor ihm eine gewisse Frau Merk, die net ferti worrn ist mit denna Juzstizverbrecherli, die den Mollath eigsperrt homm. Un an ehemaligen Polizeibeamten aus Stugart, der heit nu von der fränggischen Justiz in Werzburch verarscht wird. Un alle schauers zu.

 

I bin mir ziemlich sicher, auch Markus Söder kennt den Fall. Vielleicht hat er etz den Herrn Eisenreich berufn, damit der Ordnung schafft. Obber do misset mer jo die halbe Justiz in Bayern nausschmassn und des derfert a bisserla schwierich werrn.

 

Des werd jo richtig spannend. I glaab an nix.

 

Heinz Elflein

24.11.2018

 

 

Druckversion Druckversion | Sitemap
© Elfleins Frankenschau